RSS

المفاضلة العامة في سوريا 2011 – 2012

16 أغسطس
أصدرت اليوم وزارة التعليم العالي نتائج المفاضلة العامة للعام الدراسي 2011 – 2012
لمن يرغب الإطلاع عليها …. تجدونها على الروابط التالية
أحكام عامة
الفرع العلمي
الفرع الأدبي
المعاهد
الشروط العامة للمسابقات والمقابلات
وبالتوفيق لكل الطلاب
 

عن ياسمين الشام

من دون شمع
184 Comments

Posted by على 16 اغسطس 2011 in نشاطات وحملات

 

الأوسمة:

184 Responses to المفاضلة العامة في سوريا 2011 – 2012

  1. ramrom213

    16 اغسطس 2011 at 1:59 م

    شو مشان طلعت المفاضلة قبل ما يطلع نتائج الدورة الإضافية
    كيف الواحد بدو يسجل فيها

     

  2. ياسمين الشام

    16 اغسطس 2011 at 2:27 م

    عزيزتي رمروم …….
    شكرا لتعليقك ولسؤالك ……

    أول شي: في كتير طلاب ما قدموا على الدورة التانية فهدول الطلاب بيسجلوا على المفاضلة من هلأ.

    تاني شي: مدة التسجيل على المفاضلة حيكون لتاريخ 2011/9/12 ونتائج الدورة التانية رح تطلع بـ 2011/08/25 غالبا يعني يلي عم يستنى نتيجة الدورة التانية بيكون لسا معه أسبوعين للتسجيل على المفاضلة.

    يعني كأنه بوزارة التعليم العالي قسموا الطلاب لقسمين مشان ما يصير ضغط وقت التسجيل قسم من الطلاب يلي مو مقدم على الدورة التانية بيسجل هلأ والقسم التاني بيسجل بعد صدور نتائج الدورة التانية

    بالتوفيق رمروم

     

  3. ramrom213

    16 اغسطس 2011 at 2:35 م

    شكرا لتفسيرك
    أنا مو بكالوريا والحمدلله خلصت من هالهم
    بس عنجد حطيت حالي بمحل الطلاب اكيد بدو يخطر ببالهم هالسؤال
    وبالإضافة مشان الي بعرفهم
    مشكورة ^_^

     

  4. ياسمين الشام

    16 اغسطس 2011 at 2:37 م

    هلا عزيزتي …….

    وعلى كل … الله يوفق الجميع ……… إن كانوا بكالوريا أو مو بكالوريا

    سعيدة بمرورك

    ياسمين الشام

     

  5. ثب

    17 اغسطس 2011 at 6:19 ص

    بس انا قالولي انو مافي تسجيل لتطلع نتائج المفاضلي وانا خايف ما لاقي مكان

     

  6. ثب

    17 اغسطس 2011 at 6:20 ص

    اصدي الاضافية

     

  7. ياسمين الشام

    17 اغسطس 2011 at 11:39 ص

    أنت بتقدم على هي المفاضلة …. وبعد فترة بتطلع نتائج المفاضلة يعني كل طالب وين انقبل وبأي كلية

    وبعدين بيصير التسجيل بالجامعة على مهلك

    أما أنك ما تلاقي مكان فبصراحة ما فهمت عليك …. إذا قصدك ما تلاقي مكان بالكلية يلي بدك تسجل فيها ……… في بقا أنت وشطارتك بكتابة الخيارات تبعك بالمفاضلة.

     

  8. محمد

    18 اغسطس 2011 at 5:18 م

    هل يوجد مفاضلة ثانية لمن قدم الدورة الاولى فقط

     

  9. طالب

    19 اغسطس 2011 at 4:38 ص

    صحيح نتائج القبول رح تزداد كتير بعد ما تطلع النتائج؟؟؟
    لانو انا جامع 187 وبدي ادخل كلية الهندسة المدنية (ري وصرف) اللي طالبين فيها 185-نامية-
    بس في ناس قالولي انو الوزير قال باللقاء عالفضائية انو نتائج القبول رح ترتفع او تنزل علامة وحدة فقط وناس تانية بيقولولي انو ما رح تطلعلي
    وانا بصراحة خايف وخصوصا بعد ما طلع القرار تبع الحق بمفاضلة وحدة

    وشكرا

     

  10. ياسمين الشام

    20 اغسطس 2011 at 11:19 ص

    أهلا بك محمد ………

    كافة طلاب البكالوريا في سوريا المقدمين على دورة واحدة أو دورتين …. لديهم مفاضلة واحدة يكتبون فيها رغباتهم ويقدمونها للنوافذ المتاحة لهذا الأمر في الجامعات ……..

    بعد فترة 10 أيام أو 15 يوما كحد أقصى تصدر نتائج المفاضلة الأولى (وهو ما يسمونه الطلاب بالمفاضلة الثانية) وفي هذه المفاضلة … يتم رفع العلامات حتى يتناسب عدد المتقدمين لكلية ما مع عدد المقاعد في هذه الكلية وعلى ضوء نتيجة المفاضلة يتم التسجيل في الكليات كل بحسب الكلية التي تناسب مجموعه.

    شكرا لمرورك محمد مرة ثانية.

    ياسمين الشام

     

  11. sally

    20 اغسطس 2011 at 11:48 م

    هل يوجد مفاضلة ثانية؟؟؟ ارجو الرد؟

     

  12. ياسمين الشام

    21 اغسطس 2011 at 11:19 ص

    تجدين الرد …….. بالتعليق السابق لتعليقك

     

  13. ياسمين الشام

    21 اغسطس 2011 at 11:23 ص

    هلأ أنا ما بدي خليك تتشائم ……… بس غالبا العلامات ما بتنزل دائما بتطلع ……. بس أنت لسا في قدامك خيارين
    الأول أنه تفوت هالكلية بغير محافظة … أو أنك تفوت عليها بالموازي …..

    بكل الأحوال الله يوفقك

     

  14. محمد مسعود

    21 اغسطس 2011 at 11:26 م

    شقد بدا تطلع علامات الماضلة

     

  15. yasooo93

    22 اغسطس 2011 at 10:42 م

    أنا مجمع 175 بالعلمي وبدي سجل تجارة واقتصاد موازي وطالبين حد أدنى 158درجة
    وناس بيقولوا بيطلعلي وغيرن بيقول بيرفعوا فوق 20 علامة.أرجو الإفادة يعني كم علامة
    تقريبا بيرفعو الموازي؟؟؟

     

  16. ياسمين الشام

    23 اغسطس 2011 at 12:12 م

    أولا إن شاء الله ألف مبروك عالنجاح …

    تانيا أنا بصراحة ما عندي فكرة قديش ممكن ترتفع العلامات …. بس على الأغلب ما بترتفع أكتر من 20 علامة ……..

    بالنهاية هاد كله متوقف على قديش في بالكلية مقاعد وقديش عدد الطلاب المتقدمين لهالكلية.

    بالتوفيق صديقي …

    وإن شاء الله بتنال يلي بدك ياه

    ياسمين الشام

     

  17. yassen

    25 اغسطس 2011 at 5:38 ص

    أنشالله ألف مبروك للناجحين

     

  18. Rami

    26 اغسطس 2011 at 4:40 ص

    مرحبا …
    سؤالي اذا انا سجلت رغبة واحدة في كلا المفاضلتين (عام_موازي) حقوق وتم القبول في المفاضلة العامة
    مبلغ السلفة بالنسبة للموازي هل يتم استرداده؟؟

    شكرا.

     

  19. طالب معتر

    26 اغسطس 2011 at 3:25 م

    مرحبا الله يعطيك العافية انا مجمع 230 من 240 ما قدمت الدورة التانية بس بدي اسأل ممكن يطلعلي طب بشري بالموازي بحلب شو رايك انت بكون عندك خبرة

     

  20. ديري

    27 اغسطس 2011 at 1:06 م

    تحياتي بس انا بدي اسل عن مجموع البترول بالنسبة للمحافظات النامية
    انا مجمع 213 ممكن يطلعلي هندسة بترول ؟؟؟؟ حتا لو موازي

     

  21. علي

    27 اغسطس 2011 at 11:29 م

    أنا مجمع 171 صافي من 220 وحابب ادخل حقوق فهل ممكن تضل متل ما هي

     

  22. ياسمين الشام

    28 اغسطس 2011 at 11:44 ص

    أهلا علي …….

    على الأغلب ما بتبقى الحقوق متل ما هي وأي كلية ما بتبقى متل ما هي كله رح يرتفع.

    للأسف

     

  23. ياسمين الشام

    28 اغسطس 2011 at 11:46 ص

    بس ترجع على المفاضلة ….. غالبا رح تلاقي قديش طالبين لهندسة البترول

     

  24. ياسمين الشام

    28 اغسطس 2011 at 11:46 ص

    حسب شو طالبين بالمفاضلة …… لازم تقرأالمفاضلة منيح وتحدد خيراتك وإن شاء الله بيطلعلك

     

  25. ياسمين الشام

    28 اغسطس 2011 at 11:48 ص

    لازم تسأل على هاد الموضوع بالمكان يلي بتقدم فيهأوراق مفاضلتك أو بالبنك ……. بصراحة ما عندي فكرة

     

  26. ابو الاسد

    29 اغسطس 2011 at 7:13 ص

    سلامات كيفكون انا ما بدي شي بس حبيت سلم عليكون والكون انشالله الف مبرك ع النجاح ♥♣♠

     

  27. بشار غزال

    31 اغسطس 2011 at 1:48 ص

    صباح الخير حابب ادخل ادب فرنسي يا ترى سهلة دراستها ممكن نعرف

     

  28. مجد

    31 اغسطس 2011 at 1:14 م

    انا طالب علمي معدلي الصافي 190 ورغبتي كيماء بدمشق ومطلوب بالمفاضله الاولى 165 كم ممكن ترتفع علامتها لاني ما سجلت غيرها وانا خايف ما تطلعلي

     

  29. بشار

    31 اغسطس 2011 at 5:50 م

    اذا بتريدو حدا بيتوقع قديش ممكن يرتفع الطب البشري بالموازي بجامعة تشرين؟

     

  30. ياسمينة الشام

    2 سبتمبر 2011 at 2:25 م

    السلام عليكم ورحمة الله وبركاته………………
    انا طالبة من سوريا وعندي شهادة كويتية وانا سجلت بالمفاضلة بس حبيت اعرف متى رح تكون النتائج للمفاضلة يعني متى رح اعرف اني انقبلت بالمفاضلة واشلون رح اعرف………………
    وشكرا لتعاونكم………..

     

  31. ولاء

    3 سبتمبر 2011 at 5:49 ص

    انا طالبة بكالوريا علمي حابة سجل كيمياء موازي مجموعي 159 صافي هنن طالبين 135 و12 وانا 159و12 بيطلعلي ارجو الرد بسرعة

     

  32. ALAA

    3 سبتمبر 2011 at 6:12 ص

    زطيب واللي نجح وبعد ما نجح كان مسابثات القبول تبع كلية الفنون بحلب خلصلت لانو المسابقة كانت ابل الامتحان التاني شو يعمل وكمان المعهد الرياضي نفس الشي وين اسئل ما حدا عم يفيدني ومافي موقع عم يذكر شسي فيديني ياسمين

     

  33. ياسمين الشام

    3 سبتمبر 2011 at 12:09 م

    أهلا آلاء …..
    للأسف هدول المسابقات غالبا ما عاد ينعادوا
    لأنه هدول الكليات بتقبل كافة المتقدمين وما بيهمن كتير العلامات إن كانوا بالدورة الأولى أو التانية …..
    بيعتمدوا على النجاح بالمسابقة

     

  34. ياسمين الشام

    3 سبتمبر 2011 at 12:10 م

    هلأ إذا كانوا بيقبلوا الطلاب على المجموع فأكيد بيطلعلك أما إذا كان شرط علامة المادة …… فغالبا رح ترتفع

    موفقة بكل الأحوال

     

  35. ياسمين الشام

    3 سبتمبر 2011 at 5:27 م

    نتائج القبول بالجامعة غالبا بتطلع بعد أسبوع أو عشرة أيام على أبعد تقدير من انتهاء التقديم للمفاضلة الأولى ……

    بالتوفيق

     

  36. ياسمين الشام

    3 سبتمبر 2011 at 5:32 م

    على الأغلب رح تطلعلك وتنقبل بكلية الكيمياء …….. إذا ما كانوا مشترطين علامة المادة

    بس أكيد ما رح توصل لل 190

     

  37. ياسمين الشام

    3 سبتمبر 2011 at 5:34 م

    أهلا بشار

    مجرد أنك حابب تدخل كلية الأدب الفرنسي فأكيد رح تكون سهلة عليك

    بالإضافة إلى أنها لغة رائعة جدا (وهي معروفة باسم “لغة الصالونات”) ومستقبلها كتير كبير بهالبلد

    اختيارك موفق وإن شاء الله تطلعلك.

     

  38. sally

    3 سبتمبر 2011 at 8:54 م

    السلام عليكم !! مجموعي في البكلوريا بالغة واحدة وصافي 149 ممكن يطلعلي حقوق في التعليم المفتوح؟ واذا طلعلي فرع بالقبول العالم استطيع ان اسجل تعليم مفتوح ولا مابقدر؟

     

  39. sara

    3 سبتمبر 2011 at 9:00 م

    السلام عليكم !! مجموعي صاقي 149 بلغة واحدة بيطلعلي حقوق بالتعليم المفتوح؟ واذا طلعلي مقعد بالقبول العام بقدر سجل تعليم مقتوح؟ حقوق

     

  40. مهند

    3 سبتمبر 2011 at 9:05 م

    مرحبا انا مهند مجمع 160 وبدي ادخل زراعة بالدير عالمفاضلة العامة وبدي اسجل عالموازي بحمص اذا طلعلي عالنضامي والموازي بترجع سلفة الموازي ارجو الرد

     

  41. مهند

    3 سبتمبر 2011 at 9:09 م

    ارجو الرد

     

  42. ياسمين الشام

    4 سبتمبر 2011 at 9:52 ص

    إي ممكن يطلعلك حقوق ……… وبتصيري زميلتي كمان

     

  43. ياسمين الشام

    4 سبتمبر 2011 at 9:54 ص

    وبتقدري تسجلي بالتعليم العادي … والتعليم المفتوح سوا

     

  44. ياسمين الشام

    4 سبتمبر 2011 at 9:55 ص

    بصراحة ما عندي فكرة إذا بتقدر ترجع السلفة أو لاء ……… لازم تسأل بالمكان يلي بتحط فيه أوراق المفاضلة أو بالبنك

     

  45. nancy989

    4 سبتمبر 2011 at 4:15 م

    أنا حابة إدخل أدب إنكليزي وهنن طالبين32 علامة للإنكيزي وأنا جايبة32 وبتقديم المفاضلة إخترت بس أدب إنكيزي وياسمين انتي قلتي بالمفاضلة التانية بترتفع المعدلات يعني بيطلعلي أدب إنكليزي أو لأ رديلي بليييييييز

     

  46. sara

    4 سبتمبر 2011 at 5:57 م

    شكرا كتير لالك !! رامي اذا ماقبلوك بالتعليم الموازي بترجع السلفة وذا قبلوك مابترجع قوت على موقع وزارة التعليم العالي واقرا دليل الطالب للقبول الجامعي.

     

  47. مجد

    4 سبتمبر 2011 at 6:58 م

    انا جمعت 190 صافي فاضلت على الموازي تربيه معلم صف بجامعه درعا وكان الحد الادنى للتربيه بدرعا 158 انا في حاله قلق كون هذه السنه يوجد هناك دوره امتحانيه ثانيه لطلاب البكلوريا ارجو الرد

     

  48. SABREEN SH

    5 سبتمبر 2011 at 1:01 ص

    ياجماعة الي مجمع 120بيطلعلو تعليم مفتوح حقوق؟؟؟

     

  49. rawchi

    5 سبتمبر 2011 at 1:17 ص

    المعهد العالي للفنون المسرحية بدو علمي ولا ادبي وما هو المجموع المطلوب ارجو الرد

     

  50. ياسمين الشام

    5 سبتمبر 2011 at 12:22 م

    مو شرط علمي أو أدبي ……. ومو مهم المجموع

    المهم النجاح بمسابقة المعهد

     

  51. ياسمين الشام

    5 سبتمبر 2011 at 12:23 م

    يمكن يطلعلك صابرين …….. الله أعلم
    بس تطلع مفاضلة التعليم المفتوح منعرف

     

  52. ياسمين الشام

    5 سبتمبر 2011 at 12:25 م

    غالبا بتنقبل فيها لأنه مجموع أعلى بكتير من يلي طالبينه

    والمفاضلات ما ألها أي علاقة بالدورة التانية

     

  53. ياسمين الشام

    5 سبتمبر 2011 at 12:26 م

    غالبا بتنقبل فيها لأنه مجموعك أعلى بكتير من يلي طالبينه

    والمفاضلات ما ألها أي علاقة بالدورة التانية

     

  54. RAHAF

    6 سبتمبر 2011 at 12:10 ص

    مرحبا، أنا طالبة معهد العلوم المالية والمصرفية وهالسنة تخرجي بس حابة أكمل بالمفتوح بس حابة أسأل ايمتا بتطلع مفاضلة التعليم المفتوح ؟ وشو الشروط حتى انقبل اني اكمل بالجامعة ..
    وشكرا كتير

     

  55. nancy989

    6 سبتمبر 2011 at 2:48 م

    أنا نانسي مرة تانية مشان أدب إنكليزي ليش ماحدا ردلي بلللليز ياسمين الشام ردولي ياجماعة الخيير
    وألف شكر على كل حال

     

  56. nancy989

    6 سبتمبر 2011 at 3:00 م

    كمان حابة إستفسرعن هاد البند في حال إرتفضت رغبتي

    يتم تسجيل الطلاب اللذين رفضت جميع رغباتهم المدونة في بطاقة المفاضلة بنتيجة المفاضلة العامة بشكل مباشر في الجامعة المراد التسجيل فيها وفق الشروط والحدود الدنيا للدرجات المعلنة لنتائج المفاضلة العامة

    شوبيقصدو بنيجة المفاضلة العامة بيقصدو المفاضلة نفسها أو المفاضلة التانية؟؟أرجو التفسير والشرح

     

  57. ياسمين الشام

    6 سبتمبر 2011 at 3:14 م

    أهلا فيك نانسي

    الاحتمال الغالب هو أنه العلامات كلها بترتفع
    بس في احتمال تاني أنه ياخدوا على أساس المجموع العام … فإذا كان مجموعك عالي ممكن تنقبلي

    أما بالنسبة للبند يلي ذكرتيه، فبصراحة ما عندي فكرة شو بيقصدوا …… بس غالبا قصدهن على المفاضلة الأولى بما أنه عم يحكوا عن الحدود الدنيا.

    والأفضل عزيزتي أنك تسألي بالمكان يلي قدمتي فيه مفاضلتك مشان تاخدي الخبر اليقين وخبرينا شو بيصير معك

     

  58. nancy989

    6 سبتمبر 2011 at 3:36 م

    شكراً لإلك كتير
    وبصراحة مجموعي ماعالي يعني بدون لغة وديانة141بس بتم في أمل
    ويوم أنا قدمت عالمفاضلة كنت عم بسأل مشان حط رغبة وحده الأدب الإنكليزي
    فقالوا لي حتى لو إرتفضت رغبتك بإمكانك تستفيدي من هاد البند يلي ذكرتلك ياه
    وماكنت بعرف شو هي المفاضلة التانية وقت شفتك كتبتي عنها عرفتها منك فمشان هيك إرجعت إتسائل وشكيت بخصوص قبولي والبند يلي ذكرته
    ومن جديد ألف شكر إلك

     

  59. ياسمين الشام

    6 سبتمبر 2011 at 6:06 م

    بالعكس نانسي الشكر ألك أنت

    على المعلومة يلي فدتيني فيها بخصوص البند تبع المفاضلة
    لأنه أختي الصغيرة كمان بكالوريا وسجلت بالمفاضلة رغبة وحدة وهي الأدب الفرنسي وأنا كتير استغربت لأنها سجلت بس رغبة وحدة وخفت أنه ما تطلعلها.

    بس إذا هاد البند تفسيره صحيح متل ما قلتي فأكيد أنتوا التنتين على كلية الآداب إذا الله راد ………… وإن شاء الله موفقين جميعا.

     

  60. ليمار

    7 سبتمبر 2011 at 1:39 م

    مرحباااا!انا مجمع 178 ادبي وفاضلة ع علم النفس طالبين 165 بيطلعلي ولا لاءءء ارجو الرد

     

  61. ياسمين الشام

    7 سبتمبر 2011 at 2:56 م

    بتطلعلك إن شاء الله

     

  62. gabooshe

    8 سبتمبر 2011 at 3:16 ص

    مرحبا انا ميري كان بدي اعرف انابصراحة بعد ما سجلت ندمت لانو حطيت طب بشري بدير الزور بعد هندسة المعلوماتية بخلب انا بديا عرف ازا اقدر اغير ولا لا انا جمعت صافي 292

     

  63. gabooshe

    8 سبتمبر 2011 at 3:21 ص

    انا جمعت 229 معقول ما يطلعلي طب اسنان

     

  64. gabooshe

    8 سبتمبر 2011 at 3:24 ص

    ايمت رح تتطلع نتائج القبولات؟

     

  65. gabooshe

    8 سبتمبر 2011 at 3:27 ص

    اقدر اغير المفاضلة يلي سجلتا؟

     

  66. ياسمين الشام

    8 سبتمبر 2011 at 5:12 م

    للأسف ما بتقدري

     

  67. ياسمين الشام

    8 سبتمبر 2011 at 5:13 م

    بتطلع النتائج بعد أسبوع أو عشرة أيام من إغلاق تقديم المفاضلة العامة

     

  68. ياسمين الشام

    8 سبتمبر 2011 at 5:13 م

    الله أعلم

     

  69. ياسمين الشام

    8 سبتمبر 2011 at 5:15 م

    إذا كانت علامات الطب البشري بدير الزور أقل من هندسة المعلوماتية فيمكنبتقدري تسجلي فيها بس بدها معاملة طويلة ويمكن ما تقدري للسنة الجاية

     

  70. محمد

    10 سبتمبر 2011 at 3:14 ص

    أنا مجموعي علصافي 141 علمي وطالبين بلمعهد الهندسي 130 بدمشق بيطلعلي يا ترى أرجو الرد…..

     

  71. ياسمين الشام

    10 سبتمبر 2011 at 10:43 ص

    على الأغلب بيطلعلك ….. والله أعلم

     

  72. بشار

    10 سبتمبر 2011 at 3:12 م

    اول شي مرحبا و مبروك للجميع
    انا مجموعي 228 و الطب البشري بالموازي 225 ممكن انو يطلعلي ؟

     

  73. ياسمين الشام

    10 سبتمبر 2011 at 3:41 م

    أهلا بشار …….. إن شاء الله بيطلعلك طب بشري

    وبكل الأحوال في بند بالمفاضلة العامة ………. بتلاقيه موجود بالتعليق تبع نانسي

    يمكن يستفيد منه معظم الطلاب

     

  74. tarek

    11 سبتمبر 2011 at 12:21 ص

    مرحبا انا مجمع 185 صافي قدمت عمارة بحلب ونجحت بالمسابقة طبعاً موازي هل من الممكن انها ترتفع كتير وما اقبل ولا في امل ارجو الرد بسرعة

     

  75. dndoon

    11 سبتمبر 2011 at 2:26 م

    هاي
    أنا دندون وحابة اسأل واطمن لأن أنا مجمعة 171 صافي بالأدبي وحطيت أول رغبة انكليزي وجايبة فيها 37 بقا شو رأيكون اذا ارتفعت المعدلات بتطلعلي ولا لأ لأني خايفة كتيييير

     

  76. ياسمين الشام

    11 سبتمبر 2011 at 3:29 م

    بصراحة أنا ما عندي فكرة قديش ممكن ترتفع العلامات لأنه كل سنة بترتفع شكل

    بقا الله يوفقك بكل الأحوال

     

  77. samer

    12 سبتمبر 2011 at 1:39 ص

    هلا انا مجمع 142 صافي وسجلت موازي الرغبة الاولى الجغرافيا دمشق وطالبين 125 ممكن يقبلوني ولا لاء

     

  78. alive

    12 سبتمبر 2011 at 4:14 ص

    أنا طالبة بكالوريا علمي سجلت في ورقة الرغبات رغبة واحدة وهي الفرنسي وجبت فيها 25 ممكن تطلعلي واذا ما قبلت بحسن أعيد البكالوريا وادخل الجامعات الحكومية

     

  79. hasan

    12 سبتمبر 2011 at 4:26 ص

    لو سمحت ممكن توضحيلي اكثر عن سؤال الاخت نانسي عندما سألتك عن كيف يتم تسجيل الطلاب اللذين رفضت جميع رغباتهم المدونة في بطاقة المفاضلة بنتيجة المفاضلة العامة بشكل مباشر في الجامعة المراد التسجيل فيها وفق الشروط والحدود الدنيا للدرجات المعلنة لنتائج المفاضلة العامة

     

  80. alya

    12 سبتمبر 2011 at 8:04 ص

    ايمتى رح تطلع المفاضلة التانية؟؟؟ او ايمتى انتهى موعد التسجيل للمفاضلة الاولى؟؟؟ اذا ممكن

     

  81. ياسمين الشام

    12 سبتمبر 2011 at 1:04 م

    عليا
    لسا ما انتهت مدة المفاضلة الأولى والنتائج بتطلع بعد أسبوع

     

  82. ياسمين الشام

    12 سبتمبر 2011 at 1:15 م

    يعني إذا الواحد ما طلعله شي نهائيا بناءا على نتائج المفاضلة بعد ما ترتفع العلامات بيقدر يسجل بالكلية يلي بده ياها في حال كانت الحدود يلي طالبينها بالمفاضلة العامة أقل من النتائج يلي هو جايبها
    يعني إذا واحد جايب 25 بالفرنسي وطلبوا لكلية الأدب الفرنسي 20 علامة بالمفاضلة العامة والواحد سجل الرغبة تبعيته فرنسي
    بس بنتائج المفاضلة طلبوا للفرنسي 27 وبالتالي ما طلعله شي بالكليات كلها وبالموازي كمان
    بيقدر يرجع يسجل على أدب فرنسي على أساس المفاضلة الأولى ويلي كانوا طالبين فيها 20 وهو جايب 25 فبينقبل فيها

    طبعا هاد الحكي كله على ذمة الراوي والله أعلم

     

  83. ياسمين الشام

    12 سبتمبر 2011 at 1:20 م

    للأسف ما عاد في شي اسمه ناجح ويعيد
    ولكن إذا قدمت على المفاضلة وما طلعلك شي أبدا فبتقدري تستفيدي من البند يلي شرحته لحسن

    وإذا ما استفدتي منه بتقدري ترجعي تقدمي على مفاضلة السنة الجاية على نفس علاماتك تبع هي السنة وبدون ما تعيدي البكالوريا

    والأفضل أنك ترجعي تسألي بالكلية نفسها أو شؤون الطلاب مشان يكون الجواب واضح أكتر

     

  84. ياسمين الشام

    12 سبتمبر 2011 at 1:20 م

    إن شاء الله بتنقبل

     

  85. dndoon

    12 سبتمبر 2011 at 1:47 م

    هاي
    بدي أعرف ايمت بتطلع مفاضلة الموازي ومشان سؤالي الأول تبع الانكليزي يعني اذا ارتفعت المعدلات بتروح عليي ؟؟؟؟؟

     

  86. dndoon

    12 سبتمبر 2011 at 2:48 م

    عفوا بقصد مفاضلة المفتوح ايمت بتطلع ولا طلعت

     

  87. ياسمين الشام

    12 سبتمبر 2011 at 3:53 م

    مفاضلة التعليم المفتوح بتطلع بعد انتهاء التسجيل بالكليات للتعليم العادي والموازي والتعليم المفتوح ما فيه مفاضلة

    هن بيعطوك بس الحد الأدنى للقبول بالكلية

     

  88. سامر

    12 سبتمبر 2011 at 4:46 م

    مرحبا انا مجمع 143 صافي وسجلت عكلية الاقتصاد بطرطوس وطالبين 137 ممكن يطلعلي؟ واذا ما طلعلي بقدر عيد السنة؟

     

  89. abo ahmed

    12 سبتمبر 2011 at 5:26 م

    صافي مجموعي بلا لغة وديانة 151 وسجلت تاريخ بالرقة طالبين 135 كنت حاب اعرف اذا بيطلعلي ولا لأ وشكرآ

     

  90. halo0ol

    12 سبتمبر 2011 at 5:39 م

    مرحبا
    انا جمعت 230 من 240 علمي
    وسجلت بالمفاضلة صيدلة وطب اسنان
    معقول ما يطلعلي

     

  91. halo0ol

    12 سبتمبر 2011 at 5:40 م

    ارجو الرد
    ولكم جزيل الشكر

     

  92. ياسمين الشام

    13 سبتمبر 2011 at 10:38 ص

    هلول …
    أنا بصراحة ما عندي فكرة قديش طالبين للصيدلة أو طب الأسنان وما عندي فكرة قديش ممكن ترتفع العلامات لأنه ما في قاعدة ثابتة

     

  93. خالد

    13 سبتمبر 2011 at 6:01 م

    ياسمين الشام سوال بقدر أغير مفاضلتي يعني رغباتي لأنو كنت حاط 4 رغبات عمارة ورسبت بالمسابقة فبدي اغيرها بيصير وكيق ياسمين الشام الرجاء الرد بسرعة مستقبل

     

  94. خالد

    13 سبتمبر 2011 at 6:08 م

    ياسمين مشان الله الجواب بسرعة

     

  95. حسن

    14 سبتمبر 2011 at 12:45 ص

    لو سمحت ياسمين الشام ما رديت على سؤالي لهندسة البترول قديش ممكن ترتفع اني جمعت 194ممكن تطلعلي طالبينها بالاولى 180

     

  96. ahmad attro

    14 سبتمبر 2011 at 12:52 ص

    الله يصبرنا من هون لتطلع المفاضلة

     

  97. Siren Shakko

    14 سبتمبر 2011 at 7:51 ص

    اتمنى ان يتم الرد على استفساري
    انا اخدت شهاد البكالوريا سنة 2007 شهادة تجارية
    بس سمعت انو بأمانكا نقدم طلب بركي بيطلعنا شي فرع صحيح هالحكي
    الله يخليكم تردوا بسرعة عليه بدي اعرف شو ساووي
    وشكرآآآآآ

     

  98. جوان

    14 سبتمبر 2011 at 9:30 ص

    انا جوان من الحسكه بس كان بدي اعرف ايمت تطلع نتيجة المفاضلة 2011 2012 اتمنى الرد ولكم جزيل الشكر

     

  99. ياسمين الشام

    14 سبتمبر 2011 at 9:46 ص

    جوان ..
    نتائج المفاضلة بتطلع بعد أسبوع أو عشر أيام على الأكثر من انتهاء التقديم على المفاضلة العامة

     

  100. ياسمين الشام

    14 سبتمبر 2011 at 10:34 ص

    والله يا عزيزتي ما عندي فكرة
    بس لما تكون بكالوريتك قديمة بتقدري تسجلي بالتعليم المفتوح حصرا ولازم تكون بكالوريتك من خمس سنين على الأكثر

    هاد يلي بعرفه أنا ومن الأفضل إنك تسألي

     

  101. ياسمين الشام

    14 سبتمبر 2011 at 10:35 ص

    آمين

     

  102. ياسمين الشام

    14 سبتمبر 2011 at 10:37 ص

    حسن
    أنا ما بعرف قديش ممكن تطلع
    في كليات بترتفع فيها العلامات علامة وحدة وفي منن بيرتفعوا عشرين علامة
    بس أكيد مو أكتر من هيك

     

  103. ياسمين الشام

    14 سبتمبر 2011 at 10:38 ص

    للأسف خالد .

    لاء ما بتقدر تغير مفاضلتك بمجرد أنك سجلتها بالنافذة المختصة

     

  104. خالد

    14 سبتمبر 2011 at 1:06 م

    ياسمين طيب بدي أقلك شي أنا من الشام بس عايش بدرعا سجلت بالجامعة القديمة يعني بمركز تسجيلنا بدرعا روحت عمركز شوون الطلاب قال بقدر أغيرها بس السبب ما تغيرت أنو الأوراق صاروا بالوزارة بالشام إجا قلي بتقدر تغيرها بسر بالوزارة ياسمين إذا بتقدري تتاكدينا منها وتخبريني

     

  105. طالب وداير على مصلحتو قبل فوات الأوان خااااااااااااااااالد

    14 سبتمبر 2011 at 1:11 م

    ياسمين طيب بتتأخري لتردي عالنا

     

  106. ياسمين الشام

    14 سبتمبر 2011 at 3:21 م

    رح حاول اتأكدلك خالد ………

    بس ما بوعدك إني اقدر جيب الجواب الشافي

     

  107. طالب وداير على مصلحتو قبل فوات الأوان خااااااااااااااااالد

    14 سبتمبر 2011 at 5:23 م

    شطكرا إلك ياسمين وبتفضلي علي إذا جبتيلي بتكوني مفضلا علي
    ياسمين ممكن الجواب قبل الساعة 6 الصبح مشان أسافر عالشام إذا بصير أغيرها وممنونك ياسمين

     

  108. ياسمين الشام

    14 سبتمبر 2011 at 5:38 م

    أنا سألت خالد

    وقالولي أنك ما بتقدر تغير مفاضلتك أبدا ……
    بصراحة …….. الأفضل أنك تسأل مرة تانية

     

  109. جوان

    14 سبتمبر 2011 at 5:51 م

    اخت ياسمين………….
    انا قدمت ع المفاضلة النظامية قبل 10 ايام تقريبا وما قدمت ع الموازي …..
    بيصير هلا قدم ع الموازي

     

  110. جوان

    14 سبتمبر 2011 at 6:00 م

    و شكرا الك كتير يا اخت ياسمين ع هالمعروف اللي عم تعمليه مع الطلاب ……
    بس لو كنا نعرف كيف نردليك ياه كنا ما قصرنا..

     

  111. محمد

    14 سبتمبر 2011 at 9:49 م

    السلام عليكم
    انا جمعت 187 صافي وسجلت حقوق دمشق بيطلعي ولا لا ارجو الرد

    وسجلت كمان على الموازي انا الي بدي اعرفو بيطلعلي على العام ولا لا

     

  112. عبود

    14 سبتمبر 2011 at 9:56 م

    السلام عليكم انا سجلت ادري عربي عام ومجمع 170 و50 جايب بالعربي دعولي بطلعلي وشكرا الك ياسمين الشام على اهتمامك بشوون الطلاب ..بس بصراحة كل شي غامض حاليا لتصدر نتائج المفاضلة ….وبالتوفيق لجميع الطلاب

     

  113. محمد

    14 سبتمبر 2011 at 11:59 م

    ممكن الرد ؟؟؟؟؟؟؟؟؟؟

     

  114. منال

    15 سبتمبر 2011 at 1:00 ص

    بدي اسال عن النتيجة المفاضلة متى راح تطلع
    اذا دوام الجامعة يوم 25 الشهر

     

  115. ياسمين الشام

    15 سبتمبر 2011 at 9:38 ص

    الدوام الفعلي للجامعة ….. يعني لما الطلاب بيبلشوا يحضروا محاضرات والدكاترة يعطوا محاضرات
    بيبلش ب 1/10 أو أكتر شوي

    فمو مشكلة وما تاكلي هم

     

  116. ياسمين الشام

    15 سبتمبر 2011 at 9:41 ص

    جوان ………

    أنا بصراحة مالي مختصة ……… بجاوب يلي عم يستفسروا من خلال خبرتي السابقة ومن خلال أختي يلي عم تسجل هلأ وبسأل أحيانا على الجواب المستعصي
    مشان هيك مافيي ألك إذا بتقدر تقدم عالموازي هلأ أو لاء ……

     

  117. ياسمين الشام

    15 سبتمبر 2011 at 9:44 ص

    بتشكرك جوان ……..
    أنا ما عملت شي ……. وماإلي أي معروف أو فضل على أي حدا
    أنتوا الشاطرين والناجحين
    والبركة فيكن

     

  118. ياسمين الشام

    15 سبتمبر 2011 at 9:51 ص

    محمد …

    إذا طلعلك كلية بالمفاضلة العامة ما بتقدر تسجل كلية تانية على الموازي

    وإذا كنت حاطط أول رغبة هي الحقوق بالمفاضلة ا لعامة وأول رغبة بالموازي كمان حقوق فإذا ما طلعتلك بالعام بتطلعلك بالموازي أكيد …..

    وموفق

     

  119. ياسمين الشام

    15 سبتمبر 2011 at 9:55 ص

    شكرا عبود ….
    وإن شاء الله بتطلعلك الأدب العربي …………. الأدب العربي أحلى شي بالدنيا وكتير بنبسط لما بشوف ناس رغبتن الأدب العربي

    الله يوفقك وإن شاء الله منشوفك بعد أربع سنين بمجمع اللغة العربية.

    أنا كتير طلاب بيسألوني إذا ممكن تطلعلن الكلية أو لاء وأنا بصراحة ما بعرف أديش ممكن ترتفع العلامات وحتى المختصين ما بيعرفوا ….. لأنه كله مرهون بمدى استيعاب الكليات للطلاب.

    الله يوفقكن كلكن

     

  120. alya

    15 سبتمبر 2011 at 1:52 م

    عم يقولوا نتائج القبول الجامعي اليوم…. ممكن اذا في أي معلومة عن هالموضوع؟!!

     

  121. خالد

    15 سبتمبر 2011 at 2:38 م

    ياسمين يعني ما في أمل أغير المفاضلة طيب بدي أسالك ياسمين أنا بدي هندسة طاقة ميكانيكية بحلب طالبنينها 196 بالأاولى والسنة الماضية طلبولها 203 بالتانية وأنا مجمع 205 ممكن تطلعلي وبقدر أنقل الستة التانية عالشام

     

  122. خالد

    15 سبتمبر 2011 at 2:47 م

    ياسمين كامان سوال كيف هيئة الدوام بالجامعة يعني كل المحاضرات ضروري حضورها وياسمين كمان سوال أنا لهل وقت وما بعرف شو يعني ترفيع مواد وشكرا لجهودك ياسمين مع الطلبة

     

  123. حسام

    15 سبتمبر 2011 at 6:15 م

    طيب ياياسمين انا مجمع 167 صافي وقدمت على اقتصاد بالفرات وهن طالبين 145 ممكن ترتفع 23 علامه صارت قبل هالمره وسؤال تاني اذا الله وفقني وطلعلي فيني انتقل بعد سنه من الدراسه لادرس بحلب ولكم جزيل الشكر ارجو الرد بسرعه ياسمينو

     

  124. حسن

    15 سبتمبر 2011 at 6:32 م

    بس مشان هندسة البترول بحدود كم علامة ممكن ترتفع ومشان هندسة الموارد المائة ممكن تتعدل مدني عام بس اخلص الخمس سنين مثل ما اسمعت

     

  125. رورو

    15 سبتمبر 2011 at 6:40 م

    مرحبا ايمتى رح تتطلع نتائج المفاضلة التانيه

     

  126. Mohammad

    15 سبتمبر 2011 at 7:24 م

    ايمتا موعد أصدار النتائج ؟؟؟؟؟ يعني كل واحد شو طلعلو ؟؟؟؟ بلييييييز

     

  127. ولاء

    16 سبتمبر 2011 at 2:30 ص

    أنا طالبة سورية بس عايشة بالإمارات وقدم على المفاضلة بسوريا ورجعت سافرت
    ولهلأ ما بعرف إيمتا الدوام بالجامعة ببلش ناس بيقولولي 25 – 9 وناس بيقولوا 52-10 بدي الجواب الشافي لو سمحتوا
    ولكم جزيل لشكر و جزاكي الله خير يا ياسمين الشام

     

  128. maheral7ob

    16 سبتمبر 2011 at 11:36 م

    لو سمحتو عندي سؤال انا كنت مسافر لما طلعت المفاضلة
    وما لحئت ئدم عليها وهلء رجعت بدي سجل بس لئيت التسجيل خلص مع العلم انو انا بدي سجل موازي
    اذا في اي طريئة يا ريت تخبروني على الايميل maheral7ob@hotmail.com

     

  129. ياسمين الشام

    17 سبتمبر 2011 at 11:24 ص

    عليا ……..

    أنا ما سمعت هيك شي أبدا
    بس يطلعوا النتائج إذا ما كان عندكن خبر أنا بخبركن

     

  130. ياسمين الشام

    17 سبتمبر 2011 at 11:25 ص

    خالد
    إذا طلعتلك هندسة طاقة ميكانيكية وسجلت فيها بحلب رح تقدر تنقل السنة الجاية على الشام

     

  131. ياسمين الشام

    17 سبتمبر 2011 at 11:27 ص

    في كليات مو مهم الحضور فيها وفي كليات فيها محاضرات بياخدوا عليها الحضور والغياب
    بالنهاية أنت يلي بتحدد شو المهم أنك تحضروا وشو مو مهم
    بالنسبة لترفيع المواد معناها النجاح بالمواد
    وهي الأمور كلها بتتعلمها وقت بتفوت عالجامعة إن شاء الله

     

  132. ياسمين الشام

    17 سبتمبر 2011 at 11:30 ص

    جامعة الفرات وجامعة درعا وفي جامعة تالتة هدوا تم بناءهن حديثا لذلك بيحتفظوا بالطلاب يلي سجلوا فيهن وما بيقدروا طلاب هالكليات أنه ينتقلوا على جامعة تانية بحلب أو حمص أو دمشق

    طبعا هالحكي موجود الشروط العامة للمفاضلة بتقدر ترجعلها وتقرءها

     

  133. ياسمين الشام

    17 سبتمبر 2011 at 11:32 ص

    حسن
    ما عندي فكرة بخصوص الهندسة قديش ممكن ترتفع وما بعرف إذا بتتعدل …… بس في حال اتعدلت رح يحملوك مواد من الهندسة المدنية مشان تدرسهن وتنجح فيهن ووقتها بيعدلولك الشهادة

     

  134. ياسمين الشام

    17 سبتمبر 2011 at 11:33 ص

    محمد .. رورو
    النتائج بتطلع بعد أسبوع من انتهاء التقديم على المفاضلة العامة

     

  135. ياسمين الشام

    17 سبتمبر 2011 at 11:34 ص

    ولاء …
    الدوام بالجامعة بيبلش غالبا بأول الشههر العاشر وما بيزبط الدوام فعلا لنص الشهر العاشر

     

  136. ياسمين الشام

    17 سبتمبر 2011 at 11:35 ص

    لازم تروح تسأل بمكان تقديم المفاضلات إذا بتقدر تسجل بالجامعة بعد صدور النتائج
    لأنه هلأ ما بتقدر تقدم على المفاضلة

     

  137. mohamed

    17 سبتمبر 2011 at 3:11 م

    بدي اسأل مفاضلة التعليم المفتوح بس ايمت بتم اصدارها ..

     

  138. ياسمين الشام

    17 سبتمبر 2011 at 5:05 م

    بتطلع بعد صدور نتائج المفاضلة العامة

     

  139. وردة

    17 سبتمبر 2011 at 6:45 م

    السلام عليكم…..

    ممكن أعرف ايمت بتطلع نتائج المفاضلة العااااااااااااااااامة ؟؟؟

    أرجوو الرد

    وشكراً

     

  140. رائد

    17 سبتمبر 2011 at 11:13 م

    احلى تحية معطرة لأحلى عبق شامي …………..

    بحب هني الناجحين والمعيدين وقلهم الف مبروك ..

    وقول لكل شي لسه ما حس بهي الفرحة hard lock وان شالله بيكون السبب خير .

    وحابب اسئل ليش تأخرت نتائج المفاضلة لهلأ أنا ثانويتي ادبي ومتلهف كتير على النتيجة فرجاء اللي بيعرف امتى النتيجة لا يبخل عليي هي

    خلص يوم 17/9/2011 ولسه ما في اي خبر وبعديييييييييييييييييييين …

    شكرا انسة ياسمين

     

  141. ياسمين الشام

    18 سبتمبر 2011 at 10:11 ص

    وردة – رائد

    طولوا بالكن يا جماعة ……… نتائج المفاضلة ما بتطلع فورا
    بدها شوية وقت …….. يمكن لنهاية هاد الأسبوع أو بداية الأسبوع القادم

    طولوا بالكن

     

  142. Eimy

    18 سبتمبر 2011 at 11:11 ص

    ميرسي سوسو على مساعدتك للناس
    ومشان نتيجة المفاضلة ، شو نهاية الأسبوع أو الأسبوع القام مو كتير هيك ؟؟؟؟؟؟؟؟؟
    إذا الدوام على أساس 25-9

     

  143. وردة

    18 سبتمبر 2011 at 1:28 م

    شكراً ياسمين الشام

     

  144. ياسمين الشام

    18 سبتمبر 2011 at 1:34 م

    ويمكن تطلع بعد كم يوم ……… بس أنت لا تاكلي هم

     

  145. ياسمين الشام

    18 سبتمبر 2011 at 1:35 م

    عفوا

     

  146. rama

    18 سبتمبر 2011 at 11:31 م

    اصعب شي الواحد يستنا ازا بيطلعلو بالكلية يلي بدو ياها
    انا بصراحة فرطت اعصابي وانا عم استنا وخايفة ترتفع العلامات

     

  147. جاند

    19 سبتمبر 2011 at 10:06 ص

    مشان الله المفاضلة التانية امتى بدها تطلع

     

  148. أيبو

    20 سبتمبر 2011 at 2:47 ص

    لك ولله عيوني راح عل نت من كترررررررر عم دور عل مفاضلة تاني ماحدا بيعرف أيمت راح تطلع خبرونا يا جماعـــــــــــــــــــــــة…..

     

  149. Eimy

    20 سبتمبر 2011 at 10:33 ص

    ياسمين ممكن سؤال صغير ؟
    انا بالفرع العلمي و جايبة 28 بالانجليزي و طالبين 27 بالمفاضلة بتتوقعي بطلعلي ولا لا
    وكمان بهندسة تكنلوجيا التغذية طالبين 200 و انا جايبة 206 بتتوقعي بطلعلي ولا لا
    وانا مسجلة انجليزي و بعدين هندسة تغذية اذا طلعلي انجليزي و حبيت اتركو ، بقدر انزل للرغبة اللي تحت وهي هندسة التغذية ؟؟
    يعطيكي العافية

     

  150. ياسمين الشام

    20 سبتمبر 2011 at 10:51 ص

    إيمي ……..

    ما بعرف قديش ممكن ترتفع العلامات ……. بس إن شاء الله بتطلعلك
    نتيجة المفاضلة بتعني أنه رح ينزل اسمك بقوائم الجامعة يلي انقبلت فيها ……… وأنت بعدين بتروحي بتكملي تسجيلك
    لذلك ما بتقدري تسجلي بكلية ما نزل اسمك فيها ………
    على كل حال لازم تسألي بالجامعة وقت بيبلش التسجيل بيكون أفضل مشان تكوني متأكدة
    ويمكن يسمحولك السنة الجاية تسجلي بكلية الهندسة إذا ما سمحولك تسجلي هلأ

     

  151. طالب

    20 سبتمبر 2011 at 5:44 م

    مرحبا ممكن أعرف امتا النتائج؟

     

  152. GANDA

    20 سبتمبر 2011 at 6:40 م

    ياسمين لو سمحت بس خبرينا امتى راح تطلع المفاضلة التانية
    جاندا

     

  153. rama

    20 سبتمبر 2011 at 9:50 م

    السبت المفاضلة :) )))

     

  154. ياسمين الشام

    21 سبتمبر 2011 at 9:28 ص

    راما ………

    أنت متأكدة من هالحكي؟؟

     

  155. Eimy

    21 سبتمبر 2011 at 10:28 ص

    كاتبين السبت كحد أقصى يعني احتمال الخميس
    http://www.aksalser.com/?page=view_articles&id=0ce0b346dc49439b6af1deb4d07d149b&ar=321259720
    هاد الرابط

     

  156. nana

    21 سبتمبر 2011 at 5:11 م

    عنجد نتائج المفاضلة السبت؟؟؟؟؟؟؟؟خبروني ياجماعة

     

  157. وسام

    23 سبتمبر 2011 at 7:02 ص

    مشكور ياسمين الشام في مفاضلة للثانويات الزراعية ووين بيقبلو ان كان تعليم مفتوح ولا نظامي ولا موازي ولا هدول ما محسوبين
    ارجو الرد

     

  158. وسام

    23 سبتمبر 2011 at 7:06 ص

    عفوا ياسمين الشام بدي اسأل عن خريجين الثانويات الزراعية وين بيقبلو بأي جامعة(تعليم مفتوح – موازي – نظامي ) او معهد بيعترف بشهادتون ارجو الرد لوسمحتوم

     

  159. rama

    24 سبتمبر 2011 at 2:58 ص

    ايه حاطوا ع التفلزيون ع الفضائية السورية
    ماشفتوا ع الشريط الاخباري

     

  160. ياسمين الشام

    24 سبتمبر 2011 at 11:32 ص

    وسام ..

    بالنسبة للتعليم المفتوح … ما في كليات بياخدوا الثانويات الزراعية
    الموازي والنظامي ……. بياخدوهن الكليات الزراعية إذا كانوا من الأوائل …….. غير هيك ما بعرف
    بس بتقدر تشوف إعلان المفاضلة …….. بتقدر تشوف الثانوية الزراعية بأي كليات مقبولة

    بالتوفيق

     

  161. maher

    24 سبتمبر 2011 at 1:00 م

    هلق مشان اي حدا حاطط سلفة بالبنك بخصوص التعليم الموازي وما طلعلو طبعا بترجعلو السلفة وموفقين انشالله يا شباب وبخصوص ياسمين الشام احلى زميلة بالحقوق بس وين عم تدرسي …………………………………………………عاشت سوريا الاسد

     

  162. ياسمين الشام

    24 سبتمبر 2011 at 1:28 م

    ماهر …
    شكرا على المساعدة
    أهلين زميل …… عم ادرس بالشام

     

  163. الهام

    24 سبتمبر 2011 at 6:14 م

    المفاضلة

     

  164. amani

    24 سبتمبر 2011 at 9:24 م

    ممكن حدا يساعدني؟؟؟

     

  165. amani

    24 سبتمبر 2011 at 9:29 م

    بدي اعرف معدل معلم صف دمشق بالمفاضلة يلي صدرت اليوم

     

  166. ghazi

    25 سبتمبر 2011 at 7:47 م

    90%من الطلاب صاروا في الشوارع بعد صدورنتائج المفاضلة العامة وبعدين !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟………………………………

     

  167. rama

    27 سبتمبر 2011 at 9:19 م

    ايمتى نتائج مفاضلة الموازي للسوري غير المقيم

     

  168. nana

    27 سبتمبر 2011 at 9:56 م

    ايمت مفاضلة الموازي؟؟؟؟

     

  169. Lana

    1 أكتوبر 2011 at 10:49 م

    مرحبا..بس من بعد ازنكن تقولولنا ايمتى نتائج مفاضلة السوري الغير مقيم لأن مكتوب السبت1_10_2011وهي ليكني فاتحة ومش شايفة أي نتائج
    فمشاان الله ساعدوني ..وميــــــرسي

     

  170. H

    4 أكتوبر 2011 at 12:41 ص

    والله انا ناطر اكتر منك

     

  171. فادي

    9 أكتوبر 2011 at 6:17 م

    لو سمحتو انا شهادتي ادبي من السعودية فاضلة على مفاضلة السوري غير المقيم
    ورفضو جميع رغباتي وبعدها رحت وفاضلة عالتعليم المفتوح هل بيبقلوني في
    المفاضلة ولا لازم اللغي المفاضلة العامة الي رفضو فيها جميع رغباتي

     

  172. ياسمين الشام

    10 أكتوبر 2011 at 11:05 ص

    لا أكيد بتنقبل بالتعليم المفتوح بناء على علاماتك ومالك مضطر أنك تلغي المفاضلة العامة لأنها بتختلف عن مفاضلة التعليم المفتوح

     

  173. طالب

    10 أكتوبر 2011 at 1:43 م

    سؤال لفادي
    نتائج السوري غير مقيم طلعت ؟؟؟

     

  174. ياسمين الشام

    10 أكتوبر 2011 at 2:31 م

    غالبا نتائج السوري غير المقيم بتكون طلعت مع نتيجة المفاضلة الأساسية.

     

  175. مصطفى سقار

    22 أكتوبر 2011 at 12:55 م

    هل صحيح انه يستطيع الطالب ان يسجل بالتعليم المفتوح بمحافظة اخرى
    ولو انه لم يفاضل إالا بمحافظة واحدة
    مثال!.؟
    انا سجلت بحلب ومجموعي 171 الصا في
    وما طلعلي بدهم 174
    وباللاذقية طالبين 170
    هل استطيع ان اسجل فيها ولو اني ما فاضلت فيها
    ولا هالحكي مو صحيح
    ارجو الرد
    على تعليقي وشكرآ!؟.؟!.؟!.؟!.؟!.؟.!؟.!؟!.؟!.؟!.!؟.!؟.!؟
    هذا رقمي منشان الي بيعرف بس يتصل لو سمحتو
    0999303418

     

  176. هيام

    3 نوفمبر 2011 at 4:57 م

    يا حرام كلنا ما طلعلنا شي شقد كنا بانيين امال كتير حلوة وتحطم حلمي فجاة عند سماع نتيجة المفاظلة مع العلم بانني مجمعة 178 صافي وفرحت عندما اصبحت لنا تسوية ثانية ومع ذلك عم تتعسر اموري اكثر لانني كنت في قمة الفرحة عند تسجيلي في الجامعة اختصاص ادب عربي وبا شرت من فوري با وراق التسجيل وبعثتها با لبولمان لكي يستقبلها احد اقربائي هناك وطبعا ما وصلت الاوراق الا بعد طلوع الروح والحمد لله واخيرا وصلت اوراقي الى الجامعة ولكن المفاجئة ليست هنا بل كانت عندما رن الهاتف وردت فتاة وقالت ان اوراقك غير كاملة تنقصهاصورة شهادة البكلورية مع انني بعثتها كاملة الشهادة الاصلية مع جميع صورها مع العلم ان اوراقي كانتى كلها كاملة في مغلف واحد ………….يلا طولت عليكم واخيرا اقول الحمد لله على كل شيءواتمنى ان تتيسر اموري وامور كل الطلاب

     

  177. ياسمين الشام

    5 نوفمبر 2011 at 11:04 ص

    طيب طمنينا هيام هلأ شو صار معك ؟؟؟؟؟؟؟ تيسرت أمورك ولا لسا ؟؟

     

  178. سليم

    11 نوفمبر 2011 at 1:07 ص

    كيف بدي سجل أريد جواب

     

  179. وعد

    16 نوفمبر 2011 at 12:41 ص

    مرحبا يا احلا ياسمين بدي اسالك انا متغربي بس حابي اعرف فيي بعد سجل بالجامعة لو شو ما كان ولا راحت عليي السنة وبتنصحيني بالتعليم المفتوح

     

  180. ياسمين الشام

    17 نوفمبر 2011 at 12:15 م

    أهلا وعد خانم
    بالنسبة للتسجيل …. فللأسف التسجيل خلص من زمان
    بالنسبة للتعليم المفتوح فهو منيح وما بيفرق بشي عن التعليم العادي

    وموفقة

     

  181. سيرين

    19 ديسمبر 2011 at 3:08 م

    شكرا على جهودكم

     

  182. سيرين

    19 ديسمبر 2011 at 3:10 م

    احيكم كتير

     

  183. lord

    6 فبراير 2012 at 2:32 ص

    بسم الله الرحمن الرحيم
    أنا طالب بكالوريا من سوريا سجلت بالمفاضلة العامة دورة 2011 وما طلعلي يلي بدي ياه وما سجلت لأنو طلعلي معهد وأنا بدي جامعة هلأ مشان شهادتي بصير أنو أنا سجل حكومي أو موازي أو حتى المعهد يلي طلعلي بشهادتي لأنو ما عاد بصيرلي عيد ولا لأ أرجو الرد علي ودمتم بألف خير

     

  184. براءة

    7 فبراير 2012 at 12:20 ص

    أنا فاضلت بهي السنة 2011 وما طلعلي غير معهد وما سجلتو وأنا بدي جامعة شو بصيرلي السنة الجاية أدخل موازي أو نظامي أو حتى سجل بالمعهد يلي راح علي أرجو الجواب من فضلكم

     

اترك رد

Fill in your details below or click an icon to log in:

Gravatar
WordPress.com Logo

You are commenting using your WordPress.com account. ( Log Out / تغيير )

Twitter picture

You are commenting using your Twitter account. ( Log Out / تغيير )

Facebook photo

You are commenting using your Facebook account. ( Log Out / تغيير )

إلغاء

Connecting to %s

 
Follow

Get every new post delivered to your Inbox.